Aste honetan bertan aurkeztu da arlo publiko eta pribatuko 16 erakunde biltzen dituen BasqueFIK finantza- eta inbertsio-kluster berria. Bizkaiko Foru Aldundiak Seed Capital Bizkaiaren bitartez hartzen du parte kluster berri honetan.
BasqueFIK irabazi-asmorik gabeko elkarte gisa sortu da, euskal ekonomiaren finantza- eta inbertsio-ekosistema eraldatzeko helburuarekin, enpresa- eta industria-sarearen lehiakortasun jasangarria bultzatzeko eta, horrela, ongizatea eta lurralde-garapena areagotuko dituen ekonomia sozialagoa eta jasangarriagoa sortzen laguntzeko.
Sortutako finantza-kluster berria, enpresa eta erakunde inbertitzaileei helburu hauetan lagunduko dien tresna bihurtzeko asmoarekin sortu da:
- Euskadi inbertsiorako lurralde erakargarri gisa finkatzea.
- Euskadin dauden erakundeen hobekuntza eta eraldaketa lehiakorra bultzatzea.
- Finantza-kultura eta haren onarpen soziala sustatzea.
- Euskadin finantza- eta inbertsio-talentua garatzea.
- Enpresen eta inbertitzaileen arteko konexiorako espazioa sortzea eta dinamizatzea.
- I+G+B bultzatzea.
- Legegintza-neurrietan ekimen berritzaileak bultzatzea.
- Behatoki eta hedapen lanak egitea.
- Networking-a eta prestakuntza.
