2010etik hona, Oncomatryx Biopharma gogorkiro ari da lanean estroma tumoralaren aurka egingo duen medikamenduaren konposaketan, tratamenduek bete-betean tumorera heldu eta berarekin amaitu dezaten
Tumore batzuk zergatik osatzen dira gaixoen gehiengoan eta beste batzuentzat berriz ez dago tratamendu eraginkorrik? Modu baten edo bestean denok konturatu gara honetaz eta zientifikoek ahalegin handiak egin eta baliabide ugari erabili dituzte gai honetan. Hipotesi nagusietako bat, ebidentzia enpiriko askok babesten dutena, honako hau da: tumoreak osatzen duten zati ezberdinek (zelula motak) harreman zuzena daukate minbizi mota zehatz bat osatzeko tratamenduaren eraginkortasun mailarekin.
Ba dago tumore talde bat tumore bera ez diren zelulen hesi batek babestuta garatzen direnak eta zelula horiek, tumorearen hedakuntza errezteaz gain, tratamenduak tumorera erabat heltzea oztopatzen dute: hori da, estroma tumorala deritzona. Hori oinarritzat harturik, 2010ean, Oncomatryx Biopharmak bere jarduerari hasiera eman zion eta bere helburua, estroma tumorala erasotzea zen, tratamenduak tumorera bete-betean heldu eta berarekin amaitu dezaten.
Estroma tumorala
Estroma tumoralarekin amaitzeko, Oncomatryx–ek antibody-drugconjugates (ADC) deitzen diren zenbait konposatu garatu du. Sorkuntza berriko medikamendu hauek, honako hauek elkartzearen emaitza dira: konposatua gidaria balitz moduan estromaren zelulen barrura bakarrik eramaten duen antigorputza, eta konposatua zelulen barruan dagoenean liberatu eta zelulekin amaitzen duen molekula kimikoa. Konkretuki “zelula helburu” mota baten aurka egiten duten elementu hauek erabiltzeak, gaur egungo tratamenduen arazo garrantzitsuetako bat den albo-ondorioak eta toxikotasuna gutxiagotzen du.
Urtetan garatu ondoren eta “in vitro” eta “ in vivo” ereduetan emaitza bikainak izan eta gero, Oncomatryx gaur egunean, aipatutako horien balidazioa gizakiekin egiteko moduan dago, hori, ezinbesteko urratsa baita tratamendu berri hauek gaixoen eskura normalki jarri ahal izateko. Balidazio kliniko honi hasiera eman ahal izateko, eta gaixoen segurtasunaren mesedetan, agentzia erregulatzaileek medikamendu berri guztiei, zenbait entsegu egitea exijitzen diete, agentzia berberek ezartzen dituzten baldintza zehatz batzuetan: prekliniko erregulatzailea deritzona da.
Fase preklinikoa
Fase prekliniko erregulatzaileak, zenbait milioi euroko inbertsioa behar du. “Gure aurreikuspena, I+D-n, 4.500.000 €-ko gastua egitea da eta hori, gaurdaino inbertitu diren 8.000.000 €-ei gehitu behar zaio”, adierazi dute Oncomatryx-etik. Enpresak, horren finantziaketari, inbertsore berriek egindako kapital sarreren bidez ekin dio. Zentzu honetan, enpresako arduradunek uste dute, “Seed Capital-en ekarria, orain dela hiru urte gertatu zena, bere esperientzia eta zorroztasuna bere baliabideak zein konpainia eta proiektutan sartzea aukeratzerako orduan, funtsezkoa izan da gure enpresarentzat, ez bakarrik zentzu ekonomikoan baizik eta proiektuaren bidegarritasuna eta beste inbertsore potentzialen konfindantza indartzeko orduan ere”.
“Oncomatryx Biopharma-ren kapital sozialean sartu diren inbertsoreen bidez bermaturik dauden fase prekliniko eta lehen fase klinikoaren garapenerako fondoekin, –adierazi dute-,ematen ari garen urratsek agentzia erregulatzaileen baimena lortzera garamatzate, datozen 18 hilabeteetan gizaki gaixoekin segurtasun eta eraginkortasun frogak hasteko”. “Merkaturako” irteera, gizakiekin entsegu klinikoen fasea amaitzen denean izango da. Oso aldagarria da, baina kalkulu errealista, aipatutako fasea hasi eta 3 edo 5 urte bitartekoa izan daiteke.
